ఘనంగా పరిటాల రవి ఐదో వర్ధంతి

హైదరాబాద్‌ : తెలుగుదేశం నేత పరిటాల రవి ఐదో వర్థంతి సందర్భంగా తెలుగుదేశం పార్టీ ప్రధాన కార్యాలయంలో ఘనంగా నివాళులర్పించారు. ఆయన హత్య జరిగి ఐదేళ్లు గడిచినప్పటికీ సీబీఐ విచారణలో పురోగతి సాధించకపోవడం దురదృష్టకరమని తెలుగుదేశం నేతలు అన్నారు. పరిటాల రవి హత్యకు కారకులైన వారిని శిక్షించేవరకు న్యాయపోరాటం చేస్తామన్నారు.

ఇలా ఉండగా పరిటాల రవి హత్య కేసులో నిందితుడైన మద్దలచెర్వు సూరి బెయిల్ పై విడుదలై హైదరాబాద్, బెంగళూరు మధ్య తిరుగుతున్నారు. అనంతపురం జిల్లాలో ఆయన స్వేచ్చగా తిరుగలేకపోతున్నాడు. ఆయన ప్రత్యర్ధులకు శాంతి సందేశం పంపినా అటువైపు నుంచి ప్రతిస్పందన లేదు.