గల్లాపెట్టె పరిస్ధితి బాగుండలేదు: రోశయ్య

శ్రీకాకుళం: రాష్ట్ర ప్రభుత్వం తీవ్ర ఆర్ధిక ఇబ్బందులు ఎదుర్కొంటోందని ముఖ్యమంత్రి రోశయ్య వెల్లడించారు. అయితే ఆర్ధిక కష్టాల నుండి గట్టేక్కేందుకు తాము కృషి చేస్తున్నామని ఆయన వివరించారు. రెవిన్యూ మంత్రి ధర్మాన ప్రసాదరావు, ఎంపీ కిల్లీ కృపారాణి తదితరులతో కలసి శ్రీకాకుళంలోని అరసవల్లి శ్రీ సూర్యనారాయణ స్వామి వారిని ఆదివారం రోశయ్య దర్శించుకున్నారు.

ప్రభుత్వం ఎన్ని ఇబ్బందులు పడినా ఆ భారం ప్రజలపై మాత్రం పడనివ్వబోమని భరోసా ఇచ్చారు. అక్టోబర్ మాసంలో వచ్చిన వరదలు తీవ్ర నష్టాన్ని కలిగించినప్పటికీ తాము సమర్ధవంతంగా సహాయచర్యలు అందించగలిగామవి సీఎం చెప్పారు. ఇక మీదట ప్రతి శని, ఆదివారాల్లో ముఖ్యమంత్రి రోశయ్య జిల్లాల్లో పర్యటించనున్నారు.