రాజీనామాలతో తెలంగాణ రాదు: వివేక్

కరీంనగర్: రాజీనామాలతో తెలంగాణ రాదని కాంగ్రెసు పార్లమెంటు సభ్యుడు వివేక్ అన్నారు. పార్లమెంటు సభ్యత్వానికి రాజీనామా చేయాలని కరీంనగర్ పర్యటనకు వచ్చిన వివేక్ ను విద్యార్థులు అడ్డుకున్నారు. ఆయన వాహనానికి అడ్డంగా పడుకున్నారు. వారిని తొలగించేందుకు ఆయన వ్యక్తిగత భద్రతా సిబ్బంది ప్రయత్నించారు. అయినా ఫలితం లేకపోయింది.

రాజీనామాలు చేయడం వల్ల తెలంగాణ రాష్ట్ర ఏర్పాటులో జాప్యం జరుగుతుందని, రాజీనామాల వల్ల పరిష్కారం కాదని ఆయన అన్నారు. పార్లమెంటులో బిల్లు పెట్టేందుకు కాంగ్రెసు సిద్ధంగా ఉందని ఆయన చెప్పారు. అయినా విద్యార్థులు వినలేదు. దాంతో వివేక్ వెనక్కి తిరిగి వెళ్లారు.