తాగి కారు నడిపిన స్త్రీ: ప్రమాదం, ఒకరి మృతి

ముంబై: మద్యం మత్తులో ముంబైలో శనివారం తెల్లవారు జామున 27 ఏళ్ల యువతి కారు నడుపుతూ ప్రమాదానికి కారణమైంది. ఆమె నడుపుతున్న కారు ఇతర వాహనాలను ఢీకొట్టింది. ఈ సంఘటనలో ఒక వ్యక్తి మరణించగా, ఐదుగురు పోలీసులు గాయపడ్డారు. నూరియా యూసుఫ్ అహ్లువాలియా అనే స్త్రీ శనివారం ఒంటి గంట సమయంలో మరైన్ ల్యాండ్స్ ఈ ప్రమాదం చేసినట్లు ఎల్టీ మార్గ్ పోలీసు స్టేషన్ అధికారులు చెప్పారు.

తాగిన మత్తులో నియంత్రణ కోల్పోవడంతో ఆమె నడుపుతున్న కారు నిలిచి ఉన్న పోలీసు క్వాలీస్ ను, రెండు ఇతర వాహనాలను ఢీకొట్టింది. 35 ఏళ్ల మోటార్ సైక్లిస్టు అఫ్జల్ ముఖ్మోంజియాను వెంటనే ఆస్పత్రికి తరలించారు. అయితే మార్గమధ్యంలోనే అతను మరణించాడు. గాయపడిన ఐదుగురు పోలీసులు ఆస్పత్రిలో చికిత్స పొందుతున్నారు. అహ్లూవాలియాను పోలీసులు అరెస్టు చేశారు