లక్ష్మీప్రణతి మేజర్: నన్నపనేని రాజకుమారి

గుంటూరు: ప్రముఖ సినీ నటుడు జూనియర్ ఎన్టీఆర్ పెళ్లి చేసుకోబోతున్న గుంటూరు జిల్లాకు చెందిన రియల్ ఎస్టేట్ వ్యాపారి నార్నె శ్రీనివాస రావు కూతురు లక్ష్మీప్రణతి మేజర్ అని తెలుగుదేశం పార్టీ నాయకురాలు నన్నపనేని రాజకుమారి స్పష్టం చేశారు. ఎన్టీఆర్ వివాహం చేసుకోవాలనుకుంటున్న లక్ష్మీప్రణతి వయస్సుపై వివాదం చెలరేగిన విషయం తెలిసిందే. ఈ నేపథ్యంలో రాజకుమారి ఆ వివరణ ఇచ్చారు. లక్ష్మీప్రణతి, జూనియర్ ఎన్టీఆర్ జంటను ఎనిమిది కోట్ల ఆంధ్రులు ఆశీర్వదిస్తున్నారని ఆమె మీడియా ప్రతినిధులతో అన్నారు.

లక్ష్మీప్రణతి తనకు చిన్నప్పటి నుంచి తెలుసునని ఆమె చెప్పారు. తమ పార్టీ అధ్యక్షుడు నారా చంద్రబాబు నాయుడిని అప్రతిష్ట పాలు చేయడానికే చౌకబారు వ్యవహారాలకు దిగుతున్నారని ఆమె వ్యాఖ్యానించారు. లక్ష్మీప్రణతి మైనర్ అని అంటూ మచిలీపట్నానికి చెందిన న్యాయవాది ఒకతను కేసు వేసిన విషయం తెలిసిందే.