మాయావతిని కొనియాడిన అమర్ సింగ్

న్యూఢిల్లీ: తన పదవులకు రాజీనామా చేసిన సమాజ్ వాదీ పార్టీ నేత అమర్ సింగ్ తన విధేయతను మార్చినట్లు కనిపిస్తున్నారు. తమ పార్టీ నేత ములాయం సింగ్ ప్రత్యర్థి, ఉత్తరప్రదేశ్ ముఖ్యమంత్రి మాయావతిని ఆయన ప్రశసించారు. అన్ని ఆటంకాలను అధిగమించి మాయావతి తనను తాను నిరూపించుకున్నారని ఆయన శనివారం ఒక టీవీ చానెల్ ప్రతినిధులు అన్నారు. ములాయం సింగ్ వేధింపులకు బిఎస్పీ నేత మాయావతి ఎంత బాధకు గురై ఉంటారో తాను అర్థం చేసుకోగలనని ఆయన అన్నారు.

రాజ్యసభ సీటును వదులుకోవాల్సిన పరిస్థితిలో చిక్కుకున్న అమర్ సింగ్ మాయావతినే కాకుండా సోనియా గాంధీని కూడా పొగిడారు. వారిద్దరూ ఎన్నో అటంకాలను అధిగమించి ముందుకు వచ్చారని ఆయన అన్నారు. తమదైన పద్ధతిలో వారు రాజకీయ నేతలు అని ఆయన అన్నారు. గెస్ట్ హౌస్ ఉదంతంలో మాయావతి ఎంత వేదనకు గురై ఉంటారో తాను అర్థం చేసుకోగలనని ఆయన అన్నారు