తెలంగాణ రాష్ట్ర ప్రక్రియ త్వరలో మొదలు: దేవేందర్

మేడ్చల్‌: తెలంగాణ రాష్ట్ర ఏర్పాటు ప్రక్రియ త్వరలోనే మొదలవుతుందని మాజీ మంత్రి, తెలుగుదేశం పార్టీ నేత టి. దేవేందర్‌ గౌడ్‌ పేర్కొన్నా రు. రాష్ట్ర జేఏసీ ఇచ్చిన పిలుపు మేరకు పట్టణంలో విద్యార్థులు మానవహారం నిర్వహించారు. ఈ సందర్భంగా ఆయన గుండ్లపోచంపల్లి, డబిల్‌పూర్‌, ఎల్లంపేట్‌ గ్రామాల ప్రధాన కూడళ్లలో ఏర్పాటు చేసిన కార్యక్రమానికి హా జరై మాట్లాడారు. తెలంగాణ, ఆంధ్ర తనకు రెండు కళ్ళ వంటివని తెలుగుదేశం అధినేత చంద్రబాబు చెప్పడం గమనించదగినది.

తెలంగాణ ఏర్పాటు అయ్యేంతవరకు ప్రతి ఒక్కరు ఉద్యమం లో పాల్గొనాలని గౌడ్ కోరారు. రాష్ట్ర ప్రక్రియకు కొందరు అడ్డు పడుతున్నారని, ఎవరెన్ని అడ్డంకులు సృష్టించినా ప్రత్యేక రాష్ట్ర ఏ ర్పాటు ఆగదన్నారు. తెలంగాణ ఏర్పడితే ఈ ప్రాంతం మొత్తం సస్యశ్యామలంగా మారుతుందన్నారు. కార్యక్రమంలో జెడ్పీటీసీ సభ్యులు శ్రీనివాస్‌ యాదవ్‌, సర్పంచ్‌ మద్దుల శ్రీనివాస్‌రెడ్డి, జేఏసీ నేతలు విక్రంరెడ్డి, క్రిష్ణ, మల్లికార్జున్‌ పాల్గొన్నారు.