శివసేన హెచ్చరికలు: రేపు ముంబైకి రాహుల్

ముంబై: శివసేన హెచ్చరికలను, విమర్శలను బేఖాతరు చేస్తూ కాంగ్రెసు ప్రధాన కార్యదర్శి రాహుల్ గాంధీ రేపు శుక్రవారం ముంబై నగరాన్ని సందర్శించనున్నారు. ఆయన విద్యార్థులతో, మురికివాడల యువతతో ఇష్టాగోష్టిలో పాల్గొంటారు. రాహుల్ గాంధీ ఏ సమయంలో వస్తారో చెప్పాలని శివసేన కార్యనిర్వహణ అధ్యక్షుడు ఉద్ధవ్ థాకరే ప్రశ్నించారు. ఇప్పుడు రాహుల్ ముంబైకి రావాల్సిన అవసరం ఉందని, బీహార్ ఎన్నికలు ఉండవచ్చు ఇక్కడ లేవు కదా అని ఆయన అన్నారు. ముంబైకి, మరాఠీ ఆత్మగౌరవానికి వ్యతిరేకంగా ఏమైనా మాట్లాడితే సహించబోమని ఆయన హెచ్చరించారు.

ముంబై భారతీయులందరిదీ అని, తమకు ఎక్కడికైనా వెళ్లే హక్కు ఉందని రాహుల్ గాంధీ అన్నారు. రాహుల్ గాంధీ నిస్పృహతో ఉన్నారని శివసేన చీఫ్ బాల్ థాకరే కూడా వ్యాఖ్యానించారు. ముంబై శివారులోని విలే పార్లేలో గల భైదాస్ హాల్ లో రాహుల్ విద్యార్థులతో సమావేశమవుతారు. ఘట్కోపర్ లోని రాంబాయి స్లమ్ కాలనీలోని యువతతో మాట్లాడుతారు.