బాబా విగ్రహం నుంచి విభూది రాలుతోందా?

ధర్మవరం: పట్టణంలోని సిద్ధయ్యగుట్ట ప్రాంతంలోని ఓ ఇంట్లో షిర్డిసాయిబాబా విగ్రహం నుంచి విబూది రాలుతోందని వదంతులు వ్యాపించడంతో చుట్టుపక్కల మహిళలు తరలివచ్చి పూజలు నిర్వహించారు. పట్టణానికి చెందిన శ్రీరాములు, శకుంతల దంపతులు ఆరునెలల క్రితం కదిరి పట్టణంలో ఈ విగ్రహం కొన్నారు.

రమణమహర్షి ఆధ్యాత్మిక బోధనలు చేయడానికి వచ్చిన సందర్భంలో ఆయన వద్ద బాబా విగ్రహాన్ని కొన్నట్లు వారు తెలిపారు. ఆరురోజుల క్రితం వీరు షిర్డియాత్రకు వెళ్ళి మంగళవారం ఉదయం పట్టణానికి చేరుకున్నారు. అయితే సాయంత్రం 6 గంటల సమయంలో పూజచేయాలని వెళ్ళి చూడగా బాబా విగ్రహం నుంచి విబూది రాలడం గమనించి ఈ వింతను చుట్టుపక్కల వారికి తెలిపారు.