సిఎం బస విజయనగరంలో, భారీ ఏర్పాట్లు

విజయనగరం: ముఖ్యమంత్రి రోశయ్య విజయనగరంలోనే బస చేయనున్నారని, పర్యటనకు పకడ్బందీ ఏర్పాట్లు చేయాలని కలెక్టర్‌ రామనారాయణ రెడ్డి అధికారులను ఆదేశించారు. గురువారంతన క్యాంపు కార్యాలయంలో సీఎం పర్యటనాఏర్పాట్లపై అధికారులతో ఆయన సమీక్షించారు. స్థానిక జేఎన్‌టీయూలో నెహ్రూ విగ్రహావిష్కరణ, కళాశాల విద్యార్థులతో ముఖాముఖీ కార్యక్రమం, వైఎస్‌ఆర్‌ హౌసింగ్‌ కాలనీ ప్రారంభోత్సవం, బహిరంగ సభ, స్వయం సహాయక సంఘాలకు చెక్కుల పంపిణీ, జెడ్పీలో సమీక్షాసమావేశం, పోలీసు శిక్షణ కేంద్ర భవన ప్రారంభోత్సవం తదితర కార్యక్రమాల్లో సీఎం పాల్గొంటారని వివరించారు.

ఈ నెల 21 నుంచి రెండురోజులపాటు సీఎం పర్యటించనున్నారని, విజయనగరంలోనే రాత్రి బస చేయనున్నారని తెలిపారు. పర్యటనలో ఇబ్బందులు తలెత్తకుండాచూడాల్సిన బాధ్యత అధికారులదేనన్నారు.హెలిపాడ్‌ నిర్మాణం, సభ ఏర్పాట్లను ఆర్‌అండ్‌బీ అధికారులు, తాగునీటి సరఫరాను మున్సిపల్‌ అధికారులు, విద్యుత్‌ అంతరాయం లేకుండా ట్రాన్స్‌కో అధికారులు చూసుకోవాలన్నారు.ఈ సమావేశంలో ఎస్పీ వై.గంగాధర్‌, అడిషనల్‌జేసీ ఎం.రామారావు, కేఆర్‌సీ సిఫారసుల అమలు విభాగం ఎస్‌డీసీ పి.ప్రశాంతి, ఇతర జిల్లాఅధికారులు పాల్గొన్నారు.