2020 నాటికి వైజాగ్ అత్యుత్తమ నగరం

విశాఖపట్నం: 2020నాటికి ప్రపంచ అత్యుత్తమ నగరాల్లో విశాఖపట్నం ఒకటి అవుతుందని ముఖ్యమంత్రి కె రోశయ్య అన్నారు. ఆదివారం జిల్లాలోని అచ్యూతాపురంలో జరిగిన మహిళా సాధికారత సదస్సులో ఆయన మాట్లాడారు. ప్రత్యేక ఆర్థిక మండలాల ద్వారా 60 వేలమందికి ఉపాధి కల్పించాలన్నది వైఎస్‌ ఆశయమని చెప్పారు.

మహిళ సంఘాలకు 120 కోట్ల రూపాయల రుణాలను పంపిణీ చేశారు. రాష్ట్రవ్యాప్తంగతా స్వయం సహాయక బృందాల ద్వారా జెనరిక్‌ మందుల విక్రయం చేపడతామని రోశయ్య తెలిపారు. విద్యుత్‌ ఉత్పత్తి, వినియోగం మధ్య అగాధం తగ్గించడానికి త్వరలో విద్యుత్‌ పాలసీని అనుసరిస్తామని వెల్లడించారు.