ముస్లిం కోటాపై సుప్రీంలో రివ్యూ పిటిషన్

న్యూఢిల్లీ: ముస్లిం రిజర్వేషన్లపై రాష్ట్ర ప్రభుత్వం శుక్రవారం సుప్రీంకోర్టులో రివ్యూ పిటిషన్ దాఖలు చేసింది. ముస్లింలకు విద్య, ఉద్యోగాల్లో నాలుగు శాతం రిజర్వేషన్లు కల్పిస్తూ జారీ చేసిన జివోను హైకోర్టు కొట్టేయడాన్ని రాష్ట్ర ప్రభుత్వం సుప్రీంకోర్టులో సవాల్ చేసింది. ముస్లింలకు బిసి కోటా కింద రిజర్వేషన్లు కల్పిస్తూ దివంగత నేత వైయస్ రాజశేఖర రెడ్డి ప్రభుత్వం ఉత్తర్వులు జారీ చేసింది.

రాష్ట్ర ప్రభుత్వం జారీ చేసిన జీవోను సవాల్ చేస్తూ కొన్ని హిందూ సంస్థలు హైకోర్టులో పిటిషన్లు దాఖలు చేశాయి. దీంతో మత ప్రాతిపదికపై రిజర్వేషన్ల కల్పన సరి కాదంటూ ఆ హైకోర్టు ప్రభుత్వ జీవోను కొట్టేసింది. దాంతో హైకోర్టు నిర్ణయాన్ని రాష్ట్ర ప్రభుత్వం శుక్రవారం సుప్రీంకోర్టులో రివ్యూ పిటిషన్ దాఖలు చేసింది. సెలవుల కారణంగా రాష్ట్ర ప్రభుత్వం జారీ చేసిన రివ్యూ పిటిషన్ వచ్చే నెల 8 లేదా 9 తేదీల్లో విచారణకు వచ్చే అవకాశం ఉంది.