ప్రణబ్ బడ్జెట్: ప్రతిపక్షం వాకౌట్

న్యూఢిల్లీ: బహుశా తొలిసారి బడ్జెట్ ప్రతిపాదన సందర్భంగా పూర్తి ప్రతిపక్షం వాకౌట్ చేసింది. లీటర్ పెట్రోల్, డీజిల్ పై ఒక రూపాయి ఎక్సైజ్ డ్యూటీ విధించడాన్ని నిరసిస్తూ ప్రతిపక్షాలు శుక్రవారం లోకసభ నుంచి వాకౌట్ చేశాయి. ప్రణబ్ ముఖర్జీ ఆ విషయాన్ని ప్రకటించే సమయంలో ప్రతిపక్షాలు తీవ్ర నిరసన వ్యక్తం చేశాయి.

ద్రవ్యోల్బణానికి దారి తీసే బడ్జెట్ ను నిరసిస్తూ తాము వాకౌట్ చేసినట్లు ప్రతిపక్ష నేత సుష్మా స్వరాజ్ చెప్పారు. పెట్రోలు, డీజిల్ ధరల పెంపునకు నిరసనగా ప్రతిపక్షాలు ఉమ్మడి ఆందోళనలు నిర్వహిస్తాయని ఆర్జెడీ నాయకుడు లాలూ ప్రసాద్ యాదవ్, సమాజ్ వాదీ పార్టీ నేత ములాయం సింగ్ యాదవ్ చెప్పారు. ప్రణబ్ ముఖర్జీని తామంతా వ్యతిరేకిస్తున్నామని సిపిఐ నేత గురుదాస్ దాస్ గుప్తా చెప్పారు.