స్థానికులకివ్వాలని కార్మికుడి ఆత్మహత్య

హైదరాబాద్: బిహెచ్ ఇఎల్ లో స్థానికులకు ఉద్యోగాలు ఇవ్వడం లేదని మనస్తాపానికి గురై లక్ష్మయ్య అనే తెలంగాణకు చెందిన కార్మికుడు ఆత్మహత్య చేసుకున్నాడు. లక్ష్మయ్య అనే ఆ కార్మికుడు గురువారం రాత్రి ఆత్మహత్యకు ఒడిగట్టాడు. దీంతో బిహెచ్ ఇఎల్ ప్రాంతంలో తీవ్ర ఉద్రిక్త పరిస్థితులు నెలకొన్నాయి.

కార్మికుడి ఆత్మహత్యపై తెలంగాణవాదులు శుక్రవారం ఉదయం ఆందోళనకు దిగారు. బిహెచ్ ఇఎల్ లో స్థానికులకే ఉద్యోగాలివ్వాలని వారు డిమాండ్ చేశారు. వీరి ఆందోళనతో రామచంద్రాపురంలోని బిహెచ్ ఇఎల్ నుంచి కూకట్ పల్లి వరకు ట్రాఫిక్ స్తంభించిపోయింది. దాదాపు నాలుగు గంటల పాటు వాహనాల రాకపోకలకు అంతరాయం ఏర్పడింది.