చిలీ భూకంపం మృతులు 700 పైనే

శాంటియాగో: చిలీలో శనివారం సంభవించిన భూకంపం తీవ్ర విధ్వంసాన్ని సృష్టించింది. భూకంపానికి 700 మందికి పైగానే మరణించారు. 20 లక్షల మందికి పైగా నిరాశ్రయులయ్యారు. ఈ భూకంపం వల్ల హిందూ మహాసముద్రంలో ప్రకంపనలు చోటు చేసుకుని తీవ్ర ప్రమాదం సంభవించే అవకాశం ఉందనే భయంతో దాదాపు 53 దేశాలు 24 గంటల పాటు భయాందోళనలతో గడిపాయి. సునామీ ముప్పు తప్పడంతో అవి ఊపిరి పీల్చుకున్నాయి.

గత పాతికేళ్లలో ఎప్పుడూ చూడని విధ్వంసాన్ని శనివారం సంభవించిన భూకంపం చిలీని తాకింది. భవనాలు, హైవేలు, వంతెనలు కూలిపోయాయి. దట్టమైన పొగలతో ఆ భూకంప తాకిడి ప్రాంతాలు మునిగిపోయాయి. భూకంపానికి శనివారం 90 సెకండ్ల పాటు ప్రకంపనలకు గురైన దేశ రాజధాని శాంటియాగోలో ఆదివారం ప్రశాంత వాతావరణం నెలకొంది. భూకంపానికి చిలీలోని భారతీయ వ్యాపారులు తీవ్రంగా నష్టపోయారు. చిలీలో దాదాపు వేయి మంది భారతీయులుంటారు. వీరిలో ఎక్కువ మంది వ్యాపార వాణిజ్య కార్యకలాపాలు సాగిస్తున్నారు. వీరిలో 500 మంది శాంటియాగోలో ఉండగా, మిగతా వారు దేశంలోని వివిధ ప్రాంతాల్లో ఉన్నారు.