జెఎసి తప్పుల తడక: నారాయణ

హైదరాబాద్‌: తెలంగాణ రాజకీయ ఐక్య కార్యాచరణ సమితి (జేఏసీ) తప్పుల తడక అని తాను ముందే చెప్పానని సీపీఐ రాష్ట్ర కార్యదర్శి నారాయణ అన్నారు. రాష్ట్ర విభజనపై శ్రీకృష్ణ కమిటీకి తమ పార్టీ తరపున ఇచ్చే నివేదికను ఈనెల 20న ఖరారు చేస్తామని ఆదివారం ఆయన విలేకరులతో చెప్పారు.

రాష్ట్రం విడిపోతే ఐఎస్‌ఐ ఉగ్రవాదుల అడ్డాగా మారుతుందని విజయవాడ ఎంపీ లగడపాటి రాజగోపాల్‌ చేసిన వ్యాఖ్యలను పనికిమాలినవిగా కొట్టిపారేశారు. లగడపాటి లాంటి రాష్ట్ర ఎంపీలు కొందరు విద్యుత్‌ను ఇతర రాష్ట్రాలకు అమ్ముకుంటున్నారని నారాయణ ఆరోపించారు. దీనిపై ఏప్రిల్‌ 8న జైల్‌భరో నిర్వహిస్తామని ఆయన తెలిపారు.