మహానందిలో కన్నడిగుల వరద

మహానంది: దక్షిణ భారతదేశంలోనే ప్రముఖ శైవక్షేత్రమైన మహానంది కన్నడ భక్తులతో పోటెత్తింది. సుమారు లక్ష మందికిపైగా కన్నడిగులు మహానందీశ్వరుణ్ణి దర్శించుకున్నారు. లక్షలాది మంది భక్తులు శ్రీకామేశ్వరి దేవి సహిత మహానందీశ్వర స్వామి వార్లను దర్శించుకొని భక్తిశ్రద్ధలతో పూజలు నిర్వహించారు.

సుదూర ప్రాంతాల నుంచి తరలివచ్చిన కన్నడ భక్తులు అమ్మవారిని దర్శించుకుని పులకించిపోయారు. స్వామి, అమ్మవార్లను కన్నులారా తిలకించి చీర, సారెలను సమర్పించి భక్తిశ్రద్ధలను చాటుకున్నారు. మహానంది డీసీ వెంకటరమణ, సూపరింటెండెంట్‌లు కేశవరెడ్డి, శివయ్య, టెంపుల్‌ ఇన్‌ స్పెక్టర్‌ శశిధర్‌రెడ్డి ఆలయంలో ఏర్పాట్లను, రద్దీని పర్యవేక్షిస్తూ తగిన చర్యలు చేపట్టారు.