ఉమా చిట్ ఫండ్ బాధితుల నుంచి 300 ఫిర్యాదులు

విజయవాడ: విజయవాడలోని సత్యనారాయణపురం పోలీస్‌స్టేషన్‌ ఆదివారం ఉమా చిట్‌ ఫండ్‌ బాధితులతో కిటకిటలాడింది. ఉదయం నుంచి సాయంత్రం వరకు ఫిర్యాదు చేసేందుకు బాధితులు వస్తూనే ఉన్నారు. శనివారం వరకు 135 ఫిర్యాదులు రాగా, ఆదివారం సాయంత్రానికి మరో 165 ఫిర్యాదులు వచ్చాయి. సుమారు రూ.9 కోట్లు రావాలని బాధితులు ఇచ్చిన ఫిర్యాదులో పేర్కొన్నారు.

సత్యనారాయణపురం సీఐ శ్రావణ్ ‌కుమార్‌ ను కలసి తమకు న్యాయం చేయాలని కోరారు. ఈ విషయంపై సీపీ రాజేంద్రనాథ్ ‌రెడ్డి దృష్టి పెట్టారని, బాధితులంతా కలసి ఒక కమిటీగా ఏర్పడాలని ఆయన సూచించారు. ఉమా చిట్‌ఫండ్‌ యజమానికి ఏఏ ప్రదేశాలలో ఎంతెంత ఆస్తులున్నాయో సేకరించాలని సూచించారు.