కోల్ కత్తా పార్క్ స్ట్రీట్ లో భారీ అగ్ని ప్రమాదం

కోల్ కత్తా: సరిగ్గా నెల క్రితం బెంగుళూరులోని ఓ కాంప్లెక్స్ లో జరిగిన అగ్ని ప్రమాదాన్ని మరువక ముందే తాజాగా కోల్ కత్తాలోని ఓ కాంప్లెక్స్ లో భారీ అగ్ని ప్రమాదం సంభవించింది. నగర నడిబొడ్డున నిత్యం రద్దీగా వుండే పార్క్ స్ట్రీట్ లో వున్న ఓ భవంతిలో నేడు ఈ ప్రమాదం సంభవించింది. ఈ దుర్ఘటనలో ఇప్పటి వరకూ అందిన సమాచారం ప్రకారం ఆరుగురు దర్మరణం చెందారు. తొలుత లిఫ్ట్ లో చలరేగిన మంటలు ఆ తర్వాత భవనం మొత్తం వ్యాపించాయని సమాచారం.

ప్రస్తుతానికి మంటలు ఇంకా అదుపులోనికి రాలేదు. ర్యాపిడ్ యాక్షన్ ఫోర్స్ (RAF) వారు అక్కడికి చేరుకొని ఈ జ్వాలల్ని అదుపులోనికి తీసుకురావడానికి చర్యలు చెపట్టారు. కమర్షియల్ మరియు నివాసాల నిలయం అయిన ఈ భవంతిలోని చాలా మంది చిక్కుకొని భయాందోళనలతో అరుస్తున్నారు. సంఘటనా స్థలాన్ని కేంద్ర రైల్వేశాఖా మంత్రి మమత బెనర్జీ సందర్శించి రక్షణ చర్యలను సమీక్షించారు.