మరోసారి అట్టుడికిన శాసన మండలి

హైదరాబాద్: ఎమ్మెల్సీ మోహన్ రెడ్డిని సభాధ్యక్ష స్థానంలో ఉన్న వైస్ చైర్మన్ మహ్మద్ జానీ రౌడీగా అభివర్ణించడంపై సోమవారం తీవ్ర శాసన మండలిలో తీవ్ర దుమారం చెలరేగింది. మంగళవారం మరోసారి దుమారం చెలరేగింది. జూపూడి ప్రభాకర రావు, మోహన్ రెడ్డిల మధ్య వాగ్వివాదం చెలరేగింది. నిబంధనలు చూసుకుని మాట్లాడాలని జూపూడి ప్రభాకర రావు అనడంతో మోహన్ రెడ్డి తీవ్ర అభ్యంతరం తెలిపారు. దీంతో ఇరువురి మధ్య తీవ్ర వాగ్వివాదం చెలరేగింది.

జానీ వ్యాఖ్యపై నిరసన వ్యక్తం చేస్తూ తాను మండలిలో కాలు పెట్టనని మండలి ఎదుటే మంగళవారం ఉదయం బైఠాయించారు. ఎమ్మెల్సీలందరూ బుజ్జగించడంతో ఆయన మండలిలోకి కాలు పెట్టారు. తాను ఉద్దేశ్యపూర్వకంగా మోహన్ రెడ్డిని ఆ మాట అనలేదని జానీ వివరణ ఇచ్చుకున్నారు. ఈ సమయంలో మోహన్ రెడ్డి జూపూడి ప్రభాకర రావు వాదనకు దిగారు. సభను సజావుగా సాగనివ్వాలని చైర్మన్ చక్రపాణి సభ్యులకు సూచించారు.