పోలండ్ అధ్యక్షుడు సహా 132 మంది మృతి

మాస్కో: పోలండ్ అధ్యక్షుడు లెచ్ కజిన్ స్కీ, ఆయన భార్య ప్రయాణిస్తున్న ఆ దేశ విమానం శనివారం రష్యాలోని ఓ విమానాశ్రయం వద్ద కూలిపోయింది. పశ్చిమ రష్యాలోని స్మోలెన్ స్కీ విమానాశ్రయానికి దగ్గరలో ఈ విమానం కూలిపోయినట్లు పోలండ్ ప్రభుత్వ అధికారులు చెప్పారు. వార్సా నుంచి బయలుదేరిన విమానం స్మోలెన్ స్కీ విమానాశ్రయానికి సమీపంలో కూలిపోయింది. ఏ ఒక్కరు కూడా బతికి లేరని తెలుస్తోంది.

ఈ ప్రమాదం పోలండ్ అధ్యక్షుడు, ఆయన భార్య సహా 132 మంది ప్రయాణికుల మరణించినట్లు తెలుస్తోంది. కూలిన విమానం టుపొలెవ్ తు - 154. ప్రమాదం నుంచి ప్రాణాలతో ఎవరైనా బయటపడ్డారా, లేదా అనే విషయం తెలియడం లేదని పోలండ్ అధికారులంటున్నారు. దట్టమైన పొగ అలుముకోవడం వల్ల ఈ ప్రమాదం సంభవించినట్లు భావిస్తున్నారు. విమానం శకలాలు చెల్లాచెదురుగా పడిపోయాయి. విమాన ప్రమాదంపై రష్యా అధ్యక్షుడు వ్లదిమీర్ పుతిన్ విచారణకు ఆదేశించారు.