• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

వెనకబాటుపై రాష్ట్ర విభజన తగదు: కేశవ్

By Pratap
|

Telugudesam
న్యూఢిల్లీ: వెనకబాటు ఆధారంగా రాష్ట్రాన్ని విభజించడం సరి కాదని తెలుగుదేశం రాయలసీమ శాసనసభ్యుడు పయ్యావుల కేశవ్ అన్నారు. శ్రీకృష్ణ కమిటీకి తెలుగుదేశం సీమాంధ్ర ప్రజాప్రతినిధులు నివేదిక సమర్పించారు. రాష్ట్ర విభజనకు వ్యతిరేకంగా వారు నివేదిక సమర్పించారు. అనంతరం పయ్యావుల కేశవ్ మీడియా ప్రతినిధులతో మాట్లాడారు. తాము వ్యవసాయం, సాగునీటి పారుదల వంటి 11 అంశాలపై కమిటీకి నివేదిక సమర్పించినట్లు ఆయన తెలిపారు. ఏ పార్టీ కూడా ప్రస్తుత స్థితిలో ఒకే నివేదిక సమర్పించే స్థితిలో లేదని, తమ పార్టీ కూడా ఒకే నివేదిక సమర్పించే పరిస్థితిలో లేదని ఆయన అన్నారు.

మూడు వేల ఏళ్ల పాటు తెలుగు జాతి కలిసి ఉన్న విషయాన్ని చారిత్రక ఆధారాలతో నివేదిక స్పష్టం చేస్తుందని ఆయన అన్నారు. 1956లో రాష్ట్రం ఏర్పడినప్పుడు ఉన్న పరిస్థితి ఏమిటి, ఇప్పటి పరిస్థితి ఏమిటి అనే విషయాలను తాము నివేదికలో పొందుపరిచినట్లు ఆయన తెలిపారు. ప్రాంతీయ అసమానతలు ఎలా ఉన్నాయనే విషయం కూడా చెప్పామని ఆయన అన్నారు. ఒక ప్రాంతంలో ఏయే ప్రాంతాలు వెనకబడి ఉన్నాయో చెప్పామని ఆయన అన్నారు. ప్రభుత్వం ఖర్చు చేసిన నిధులను ప్రాంతాలవారీగా తెలియజేసినట్లు ఆయన చెప్పారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X