ముంబై దాడిలో ఆల్ ఖైదా హస్తం?

బ్రాసిలా: ముంబైలో దాడికి పాల్పడినవారికి అఫ్గానిస్తాన్ లో ఆల్ ఖైదా శిబిరాల్లో శిక్షణ లభించినట్లు వార్తలు వస్తున్నాయి. ముంబై దాడులకు సంబంధించి అఫ్గానిస్తాన్ సంబంధం బయట పడడం ఇదే మొదటిసారి. అఫ్గానిస్తాన్ పునర్నిర్మాణంలో భారత్ కీలక పాత్ర పోషిస్తోంది. ఏది జరిగినా ఆ ప్రభావం తమపై పడుతుందని అఫ్గాన్ వర్గాలంటున్నాయి. ముంబైలో దాడికి దిగిన ఉగ్రవాదులు అఫ్గాన్ లో శిక్షణ పొందారనే విషయాన్ని కొట్టి పారేయలేమని అంటున్నాయి.

ముంబై దాడి ప్రధాన సూత్రధారి పాకిస్తాన్ లోని లష్కరే తోయిబా వ్యవస్థాపకుడు హఫీజ్ సయీద్ అని ఆరోపిస్తూ అతనిపై చర్య తీసుకోవాలని భారత్ పాకిస్తాన్ ను డిమాండ్ చేస్తూ వస్తోంది. పరిస్థితిని బట్టి భారత్ అఫ్గానిస్తాన్ పై కూడా ఒత్తిడి తెచ్చే అవకాశాలు లేకపోలేదని అంటున్నారు. అఫ్గానిస్తాన్ తిరిగి తాలిబన్ల చేతిలోకి వెళ్తే భారత్ కు సంకట పరిస్థితే ఎదురవుతుందని అంటున్నారు.