• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

థరూర్ కు ఉద్వాసన పలికే అవకాశం

By Pratap
|

Shashi Tharoor
న్యూఢిల్లీ: కొచ్చి ఐపియల్ ఫ్రాంచైజీ వివాదంతో విదేశీ వ్యవహారాల మంత్రి శశి థరూర్ నిండా మునిగిపోయారు. తన తప్పేమీ లేదంటూ ఆయన చెప్పుకున్నారు. ఈ మేరకు ఆయన శుక్రవారం లోకసభలో తన ప్రకటనను ఉంచారు. అయినా, ఆయనకు క్లీన్ చిట్ ఇవ్వడానికి కాంగ్రెసు నాయకత్వం సిద్ధంగా లేనట్లు కనిపిస్తోంది. వివాదంలో శశి థరూర్ కు అండగా నిలవడానికి పార్టీ నాయకత్వం సిద్ధంగా లేనట్లు కనిపిస్తోంది. థరూర్ తనంత తాను బయట పడాల్సిందేనని కాంగ్రెసు నాయకత్వం భావిస్తోంది. శశి థరూర్ మంత్రిగా కాకుండా, లోకసభ్యుడిగా ఆ ప్రకటన చేయడం ఇందులో భాగమేనని అంటున్నారు.

కాగా, శశి థరూర్ కు ఉద్వాసన పలికే దిశగా కూడా కాంగ్రెసు నాయకత్వం ఆలోచిస్తున్నట్లు తెలుస్తోంది. విదేశీ పర్యటనలో ఉన్న ప్రధాని డాక్టర్ మన్మోహన్ సింగ్ తిరిగి రాగానే థరూర్ పై చర్యలు తీసుకునే అవకాశం ఉన్నట్లు చెబుతున్నారు. థరూర్ కు దూరంగానే ఉండాలని కాంగ్రెసు నిర్ణయించుకున్నట్లు సమాచారం. ప్రతిపక్షాలు కూడా థరూర్ వివరణను పట్టించుకోవడం లేదు. థరూర్ రాజీనామా చేయాల్సిందేనని ప్రతిపక్షాలు పట్టుబడుతున్నాయి. పార్లమెంటు ఉభయ సభలను శుక్రవారం సాగనివ్వలేదు. థరూర్ మాత్రం తాను రాజీనామా చేసే ప్రసక్తే లేదని అంటున్నారు. తన మిత్రురాలు సునంద పుష్కర్ కు కొచ్చి ఫ్రాంచైజీలో 70 కోట్ల రూపాయల వాటాను ఇప్పించడమే ఆయన పాలిటి శాపంగా మారినట్లు తెలుస్తోంది.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X