• search
  • Live TV
వరంగల్ వార్తల కోసం
నోటిఫికేషన్స్ పై క్లిక్ చేయండి  

జగన్ ది సమైక్య యాత్ర కాదు: సురేఖ

By Pratap
|

konda Surekha
వరంగల్: తమ పార్టీ పార్లమెంటు సభ్యుడు వైయస్ జగన్ సమైక్య యాత్ర చేయడం లేదని, అది ఓదార్పు యాత్ర మాత్రమేనని, అందువల్ల జగన్ యాత్రను తెలంగాణలో అడ్డుకోవాల్సిన అవసరం లేదని కాంగ్రెసు శాసనసభ్యురాలు, మాజీ మంత్రి కొండా సురేఖ అన్నారు. తెలంగాణ కోసం మరణించినవారి కుటుంబాలను పరామర్శించేందుకు ఆమె సోమవారం ఉదయం బయలుదేరారు. దానికి ముందు ఆమె మీడియాతో మాట్లాడారు. జగన్ తెలంగాణ యాత్రపై రాజకీయ పార్టీలు అనవసర రాద్ధాంతం చేస్తున్నాయని ఆమె అన్నారు. జగన్ యాత్ర పూర్తిగా వ్యక్తిగతమని, కాంగ్రెసు పర్యటన కూడా కాదని ఆమె అన్నారు.

తెలంగాణపై జగన్ నిలదీయాల్సిన అవసరం లేదని, తెలుగుదేశం పార్టీ అధ్యక్షుడు చంద్రబాబునూ తెలంగాణ రాష్ట్ర సమితి (తెరాస) అధ్యక్షుడు కె చంద్రశేఖర రావునూ నిలదీయాలని ఆమె అన్నారు. ప్రత్యేక తెలంగాణ రాష్ట్ర ఏర్పాటు ఈ ప్రాంత ప్రజల ఆకాంక్ష అని ఆమె అన్నారు. ఈ విషయాన్ని జగన్ కు చెప్తారా అని అడిగితే ఆయనకు తెలుసునని, తాను ప్రత్యేకంగా చెప్పాల్సిన అవసరం లేదని ఆమె అన్నారు. జగన్ యాత్రను అడ్డుకుంటామని ప్రకటించిన తెలుగుదేశం నాయకుడు ఎర్రబెల్లి దయాకర్ రావుపై ఆమె తీవ్రంగా విరుచుకుపడ్డారు. దయాకర్ రావు రాజకీయ వ్యభిచారం చేస్తున్నారని ఆమె వ్యాఖ్యానించారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X