మావోయిస్టుల దాడిలో 15 మంది అమాయకుల బలి

కోల్ ‌కతా: బెంగాల్ లో మావోయిస్టుల దాడిలో 15 మంది అమాయక ప్రజలు బలయ్యారు. పశ్చిమబెంగాల్‌ లో మావోయిస్టులు మళ్లీ పేట్రేగిపోయారు. పశ్చిమ మిడ్నాపుర్‌ జిల్లాలో జార్‌ గామ్‌ వద్ద రైల్వేపట్టాలను పేల్చివేశారు. దీంతో జ్ఞానేశ్వరి ఎక్స్ ‌ప్రెస్‌ పట్టాలు తప్పింది. ఖెమసోలి-సర్దియా స్టేషన్ల మధ్య గురువారం అర్ధరాత్రి దాటిన తర్వాత ఈ ప్రమాదం జరిగింది. ఈ ప్రమాదంలో 15మంది మృతి చెందారు. మరో 150మంది గాయపడ్డారు.

ఈ ప్రమాదం వివరాలు తెలియడంతోనే కేంద్రరైల్వే శాఖమంత్రి మమతాబెనర్జీ హుటాహుటీన సంఘటన స్థలానికి బయలుదేరారు. ఈ ప్రమాదంలోని బాధితుల వివరాలు తెలుకునేందుకు రెండు హెల్ప్‌లైన్లు ఏర్పాటు చేశారు. మృతుల కుటుంబాలకు ఐదు లక్షల రూపాయల ఎక్స్‌గ్రేషియా ప్రకటించారు. ప్రమాదంలో గాయపడిన వారికి చికిత్స అందించేందుకు ఐదు వైద్యబృందాలు సంఘటన స్థలానికి బయలుదేరాయి.