హైదరాబాద్ లో ఒకే కుటుంబంలో ఐదుగురి హత్య

హైదరాబాద్‌: నగరంలోని అంబర్‌ పేట ప్రేమ్‌ నగర్‌ ప్రాంతంలో ఒకే కుటుంబానికి చెందిన ఐదుమంది దారుణహత్యకు గురయ్యారు. కరీముద్దీన్‌, షాజిదాబేగం, అబ్దుల్‌, సయ్యద్‌ కరీం, నేహా అనే వారిని దుండగులు హత్య చేశారు. కుటుంబ కలహాలతో ఈ హత్యలు జరిగివుంటాయని పోలీసులు అనుమానిస్తున్నారు.

నేహ, జహంగీర్ లకు రెండేళ్ళ క్రితం పెళ్ళయింది. మూడు నెలలుగా ఇద్దరి మధ్య గొడవలు జరుగుతున్నాయి. నేహను ఆమె బంధువులను దుండగులు హతమార్చారు. భార్యాభర్తల మధ్య కలహాలే ఈ హత్యలకు కారణమని స్ధానికులు చెబుతున్నారు. ఈ సందర్భంగా ఐదుగురిని పోలీసులు అదుపులోకి తీసుకున్నారు.