రాష్ట్ర ఆర్థిక పరిస్థితి బాగా లేదు: ముఖ్యమంత్రి రోశయ్య

హైదరాబాద్: రాష్ట్ర ఆర్థిక పరిస్థితి బాగా లేదని ముఖ్యమంత్రి కె. రోశయ్య చెప్పారు. ఆయన బుధవారం తిరుమల శ్రీవారిని దర్శించుకున్నారు. వసంత మండపాన్ని ప్రారంభించారు. రాష్ట్ర ఆర్థిక పరిస్థితి బాగా లేనందున కొత్త పథకాలను ప్రారంభించలేమని ఆయన మీడియా ప్రతినిధులతో అన్నారు. కొత్త పథకాలకు నిధులు కూడా ఇవ్వలేమని ఆయన అన్నారు. సంక్షేమ పథకాలను కొనసాగిస్తామని ఆయన చెప్పారు.

రాష్ట్ర ఖజానా రాశి పోసిన కుప్ప కాదని, వృధా ఖర్చులు చేయలేమని ఆయన అన్నారు. రాష్ట్ర సుభిక్షంగా ఉండాలని శ్రీవెంకటేశ్వర స్వామిని తాను కోరుకున్నట్లు ఆయన తెలిపారు. శ్రీవారి దర్శనం తర్వాత ఆయన చిత్తూరు జిల్లా పర్యటనకు బయలుదేరి వెళ్లారు. ఆయన జిల్లాలో పలు అభివృద్ధి కార్యక్రమాల్లో పాల్గొంటారు.