• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

వైయస్ జగన్ బహిరంగ లేఖపై సోనియా గాంధీ ఆగ్రహం

By Pratap
|

YS Jagan
న్యూఢిల్లీ: ఓదార్పు యాత్రను రద్దు చేసుకుంటూ కడప పార్లమెంటు సభ్యుడు వైయస్ జగన్ రాసిన బహిరంగ లేఖ తీరుపై కూడా కాంగ్రెసు అధ్యక్షురాలు సోనియా గాంధీ మండిపడుతున్నట్లు సమాచారం. ఓదార్పు యాత్రలోని కొన్ని విషయాలు అభ్యంతరకరంగా ఉన్నాయని ఆమె అభిప్రాయపడినట్లు చెబుతున్నారు. దీంతో జగన్ కు ఇప్పట్లో సోనియా గాంధీ అపాయింట్ మెంటు దొరకడం కూడా కష్టమేననే మాట వినిపిస్తోంది. ఓదార్పు యాత్రను వాయిదా వేసుకోవాల్సినంత బలమైన కారణాలున్నాయా అని జగన్ లేఖలో ప్రశ్నించడం పార్టీ అధిష్టానం అభ్యంతరానికి ఓ కారణంగా చూపుతున్నారు.

ఓదార్పు యాత్రకు గడువు విధించడం కూడా కాంగ్రెసు అధిష్టానానికి రుచించడం లేదు. ఇతర పార్టీలు గడువులు పెడితేనే చిరాకు పడే కాంగ్రెసు అధిష్టానం సొంత పార్టీ నాయకుడు గడువు విధించడం హెచ్చరికలాంటిదేననే అభిప్రాయం వ్యక్తమవుతోంది. జులై 1వ తేదీ లోగా సోనియా అపాయింట్ మెంటు ఇవ్వకపోతే శ్రీకాకుళం ఓదార్పు యాత్రను అధిష్టానాన్ని ధిక్కరించైనా సరే ముందుకు సాగాలనే ఉద్దేశంతో జగన్ ఉన్నట్లు భావిస్తున్నారు. తేల్చుకోవాల్సింది అధిష్టానమేననే విధానంలో జగన్ వ్యవహరించడం అధిష్టానం వ్యతిరేకతకు మరో కారణంగా చెబుతున్నారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X