ఓదార్పు యాత్ర వైయస్ జగన్ వ్యక్తిగతం: పురంధేశ్వరి

విశాఖపట్నం: కాంగ్రెసు కడప పార్లమెంటు సభ్యుడు వైఎస్‌ జగన్‌ చేపడుతున్న ఓదార్పు యాత్ర ఆయన వ్యక్తిగతమని కేంద్ర మానవవనరుల శాఖ సహాయమంత్రి దగ్గుబాటి పురంధేశ్వరి వ్యాఖ్యానించారు. ఓదార్పు యాత్రపై సోనియాగాంధీ నిరాసక్తంగా ఉన్నారని ప్రకటించి కూడా యాత్రను పునః ప్రారంభించడం ఎంతవరకు సమంజసమని మీడియా ప్రతినిధులు ప్రశ్నించగా పురంధేశ్వరి మంగళవారం ఆ విధంగా స్పందించారు.

విశాఖలోని అక్కయ్యపాలెం మాదేటి గార్డెన్స్‌లో సుమారు 14 లక్షల వ్యయంతో నిర్మించిన జేఎన్ ‌ఎన్‌ యూఆర్‌ ఎం గృహసముదాయాన్ని మంగళవారం మంత్రి ప్రారంభించారు. విశాఖపట్నంలో ఆమె వివిధ అభివృద్ధి కార్యక్రమాల్లో పాల్గొన్నారు.