ఇచ్చాపురంలో వైయస్ జగన్ కు వేలాదిగా జనం ఆహ్వానం

ఇచ్చాపురం: ఓదార్పు యాత్రలో భాగంగా కడప ఎంపీ వైయస్ జగన్‌ ఇచ్చాపురం చేరుకున్నారు. ఇచ్చాపురం రైల్వేస్టేషన్‌ లో అభిమానులు, కార్యకర్తలు ఆయనకు ఘనంగా స్వాగతం పలికారు. జగన్‌ను చూసేందుకు వేలాదిమంది తరలివచ్చారు.

అధిష్టానవర్గం నుంచి గ్రీన్ సిగ్నల్ రాకపోయినా జగన్ సాహసోపేతంగా ఈ యాత్రకు ఉపక్రమించారు. జగన్ పై హైకమాండ్ చర్యలు తీసుకుంటుందన్న అభిప్రాయాన్ని కొందరు వ్యక్తం చేస్తున్నారు. అయితే జగన్ కు ఉన్న ప్రజాదరణను అంచనా వేసే పనిలో అధిష్టానవర్గం ఉంది. ఆయనపై తొందరపడి చర్యలు తీసుకోకూడదని వారు నిర్ణయించుకున్నట్టు సమాచారం.