ఎన్ కౌంటర్లు చేసిన పోలీసులకు ప్రమోషన్లపై సుప్రీం ఆగ్రహం

న్యూఢిల్లీ: ఎన్‌కౌంటర్‌లో పాల్గొన్న పోలీసు అధికారులకు ప్రోత్సాహక పదోన్నతులు ఇవ్వడంపై సుప్రీంకోర్టు ఆగ్రహం వ్యక్తం చేసింది. ఎన్ ‌కౌంటర్లపై జాతీయ మానవహక్కుల కమిషన్‌ ఇచ్చిన సూచనలను ఎందుకు పాటిచడంలేదంటూ ప్రశ్నించింది. 2001 0 2007 మధ్య కాలంలో జరిగిన ఎన్ కౌంటర్లపై గతంలో ఇచ్చిన తీర్పుల కాపీలను రెండు వారాల్లోగా ప్రవేశపెట్టాలని పిటిషనర్‌కు సుప్రీంకోర్టు సోమవారం ఆదేశాలు ఇచ్చింది.

రాష్ట్ర హైకోర్టు న్యాయవాది చంద్రశేఖర రెడ్డి బూటకపు ఎన్ కౌంటర్లపై సుప్రీంకోర్టు పిటిషన్ దాఖలు చేశారు. దానిపై విచారణ చేపట్టిన సుప్రీంకోర్టు ఆ మేరకు ఆదేశాలు జారీ చేసింది. ఎన్ కౌంటర్లలో పాల్గొన్న పోలీసు అధికారులకు ప్రోత్సాహక ప్రమోషన్లు ఇవ్వడాన్ని సుప్రీంకోర్టు తప్పు పట్టింది. తదుపరి విచారణను రెండు వారాలకు వాయిదా వేసింది.