డిజిపిగా అరవింద రావు నియామకంపై క్యాట్ లో సవాల్

హైదరాబాద్: పోలీసు డైరెక్టర్ జనరల్ (డీజీపీ) గా అరవింద రావు నియాకాన్ని ఐపియస్ అధికారి గౌతం కుమార్ కేంద్ర పరిపాలనా ట్రిబ్యునల్ (క్యాట్)లో సవాల్ చేశారు. అరవిందరావు నియామకం చెల్లదంటూ సీనియర్‌ ఐపీఎస్‌ అధికారి గౌతమ్‌కుమార్‌ దాఖలు చేసిన పిటిషన్‌పై కేంద్రపరిపాలనా ట్రిబ్యునల్‌ విచారణ ప్రారంభించింది. దీనిపై మూడువారాల్లోగా సమాధానలివ్వాలంటూ ప్రతివాదులకు నోటీసులు జారీ చేసింది.

ప్రతివాదుల్లో రాష్ట్ర ప్రభుత్వం కూడా ఉంది. కేసు విచారణను అక్టోబర్ 1వ తేదీకి వాయిదా వేసింది. సీనియారిటీని కాదని అరవింద రావును డిజిపిగా నియమించడం న్యాయం కాదని గౌతం కుమార్ తరఫు న్యాయవాది అన్నారు. గిరీష్ కుమార్, ఎస్ఎస్పీ యాదవ్ కేసు విచారణలో జరిగినట్లు ఈ కేసు విచారణలో జాప్యం కూడదని క్యాట్ ను కోరినట్లు ఆయన తెలిపారు.