కెఎస్ రావు ఇంట్లో కాంగ్రెసు సీమాంధ్ర పార్లమెంటు సభ్యుల భేటీ

న్యూఢిల్లీ: కాంగ్రెసు సీమాంధ్ర పార్లమెంటు సభ్యులు గురువారం కావూరి సాంబశివ రావు నివాసంలో సమావేశమయ్యారు. శ్రీకృష్ణ కమిటీకి సమర్పించే నివేదికపై చర్చించేందుకు వారు ఈ సమావేశం నిర్వహించారు. సమావేశానంతరం వారు శ్రీకృష్ణ కమిటీతో సమావేశమయ్యారు. రాష్ట్ర విభజనను కాంగ్రెసు సీమాంధ్ర పార్లమెంటు సభ్యులు వ్యతిరేకిస్తున్నారు. శ్రీకృష్ణ కమిటీకి వినిపించే వాదనలపై వారు విస్తృతంగా చర్చించారు.

ఈ సమావేశానికి కెవిపి రామచందర రావు, లగడపాటి రాజగోపాల్ తదిర పార్లమెంటు సభ్యులు హాజరయ్యారు. తెలంగాణ కాంగ్రెసు పార్లమెంటు సభ్యులు మాత్రం రాష్ట్ర విభజనను కోరుతున్నారు. వారు శ్రీకృష్ణ కమిటీ ముందు తమ వాదనలను ఇంతకు ముందే పెట్టారు.