ప్రియుడితో కలిసి కన్న కొడుకును హత్య చేసిన కసాయి తల్లి

కడప: కడప జిల్లాలోని సీతారామాంజనేయపురంలో కసాయితల్లి తన వివాహేతర సంబంధం కోసం కన్న కొడుకునే కిరాతకంగా ప్రియుడితో కలిసి హత్య చేసింది. రాణి అనే మహిళకు బాబుతో ఐదేళ్ల క్రితం వివాహం జరిగింది. సంవత్సరం తర్వాత వారిద్దిరికి కొడుకు జన్మించాడు. తర్వాత కొన్ని కారణాల వల్ల భర్తకు దూరంగా ఉంటుంది. అయితే సంవత్సరం క్రితం రాణికి శేఖర్ అనే వ్యక్తి పరిచయమయ్యాడు. వారిద్దరి మధ్య పరిచయం పెరిగి పెరిగి అది కాస్త అక్రమ సంబంధానికి దారి తీసింది.

సంవత్సర కాలంగా వారు వివాహేతర సంబంధం కొనసాగిస్తున్నారు. అయితే తమకు తమ నాలుగేళ్ల కొడుకు అడ్డుగా ఉన్నాడని భావించిన తల్లి, ప్రియుడితో కలిసి శుక్రవారం హత్య చేశారు. ప్రియుడు శేఖర్ పరారయ్యాడు. రాణి పోలీసుల కస్టడీలో ఉంది. స్థానిక పోలీసులు కేసు నమోదు చేసుకొని దర్యాఫ్తు చేస్తున్నారు. పరారైన శేఖర్ కోసం పోలీసులు గాలిస్తున్నారు. కాగా అనుకోకుండా జరిగిందని కసాయి తల్లి రాణి నమ్మకంలేని మాటలు చెప్ప జూస్తుంది.