జగన్ ది ఓదార్పు కాదు ప్రజలను హింసించే యాత్ర: నారాయణ

హైదరాబాద్: కడప పార్లమెంటు సభ్యడు వైఎస్ జగన్మోహన రెడ్డి చేపడుతున్న యాత్ర ఓదార్పు యాత్ర కాదని అది ప్రజలను హింసించే యాత్ర అని ఆయన అభివర్ణించారు. వైఎస్ రాజశేఖర్ రెడ్డి చనిపోయినప్పుడు ఆయన ఓదార్పు చేపడతాననటం ముదావహం అని, అయితే దానిని ఆయన ఇప్పుడు రాజకీయ యాత్రగా మలుచుకున్నాడని ఆరోపించారు.

జగన్ చల్లకొచ్చి ముంత దాచినట్లు ప్రవర్తిస్తున్నారని ఆయన విమర్శించాడు. రాజకీయాల్లో తన లక్ష్యాన్ని చేరుకోవడానికి జగన్ ఇప్పుడు ఓదార్పును కొనసాగిస్తున్నాడని, ఓదార్పు రాజకీయం కాకుంటే ఇంత నెమ్మదిగా ఇంత మందీ మార్బలంతో ఇన్నాళ్లు చేయాల్సిన అవసరం ఏముందని ప్రశ్నించారు. ఆ ఓదార్పు ఎప్పుడు ముగుస్తుందో కూడా తెలియకుండా ఉందని ఆయన వ్యాఖ్యానించారు. ఆయన చేపడుతున్న యాత్ర ప్రజలను ఓదార్చడం మాని వారిని మరింత బాధపెడుతూ ప్రజా హింస యాత్రగా మారిందని ఆయన అన్నారు.