గవర్నర్ భరద్వాజ్ శకునిలా వ్యవహరించాడు: బిజెపి

హైదరాబాద్: కర్ణాటక గవర్నర్ హెచ్.ఆర్.భరద్వాజ్ మహాభారతంలోని శకునిలా వ్యవహరించాడని భారతీయ జనతా పార్టీ సీనియర్ నాయకుడు సి.హెచ్.విద్యాసాగరరావు ధ్వజమెత్తారు. రాజ్యాంగబద్దంగా మొదటిసారి యెడ్యూరప్ప ప్రభుత్వం బల నిరూపణ చేసుకుంటే రాష్ట్రపతి పాలనకు సిఫార్సు చేస్తూ అనవసర వివాదాన్ని సృష్టించాడన్నారు. తమ బలం నిరూపించుకోవాల్సిందిగా రెండోసారి చెప్పటం సరియైన నిర్ణయం కాకపోయినా బిజెపి ప్రభుత్వం బల నిరూపణకు పూనుకోవటంతో కాంగ్రెస్, జెడిఎస్ లు ఖంగుతిన్నాయని అన్నారు.

కాంగ్రెస్ కు ఏజెంటులా మారిన గవర్నర్ ను వెంటనే తొలగించి వెంటనే కొత్తవారిని నియమించాలని ఆయన డిమాండ్ చేశారు. అధర్మంపై ధర్మం నెగ్గిందని ఆయన వ్యాఖ్యానించారు. అసమ్మతి ఎమ్మెల్యేల వ్యవహారం కోర్టులో ఉన్నందున వారు పాల్గొనవలసిన అవసరం లేదని వ్యాఖ్యానించారు.