మీడీయాలో తప్పుడు వార్తలు ప్రసారమవుతున్నాయి: ముఖ్యమంత్రి రోశయ్య

హైదరాబాద్: ప్రజలకు, ప్రభుత్వానికి వారధి మీడీయానేని రాష్ట్ర ముఖ్యమంత్రి కొణిజేటి రోశయ్య అన్నారు. మీడియా పదునైన ఆయుధమని, యాజమాన్యం దానిని సరియైన బాధ్యతతో నడపాలన్నారు. ప్రభుత్వం చేసే తప్పులను ఎత్తి చూపుతూ ప్రజలకు మోలు చేయాల్సిన బాధ్యత మీడీయాపైనే ఉందని హితవు పలికారు. మీడీయా యాజమాన్యం తమ ఛానల్లోనే ముందుగా వార్త వచ్చింది అనిపించుకోవాలనే హడావుడిలో తప్పుడు వార్తలు ప్రచురిస్తున్నారని చెప్పారు. ప్రజలకు మేలు చేయాల్సిన మీడియా ఇలా తొందరలో అబద్దపు వార్తలు ప్రసారం చేస్తే భారీ మూల్యం చెల్లించుకోవాల్సి పరిస్థితులు ఎదురవుతున్నాయన్నారు.

జర్నలిస్టులు తప్పనిసరిగా మోరల్ వాల్యూస్ కలిగి ఉండాలన్నారు. ప్రజలకు దారి చూపాల్సిన వారే విలువలు కలిగి ఉండకపోతే సమాజమే పెడధోరణిలోకి వెళుతుందన్నారు. అబద్దాన్ని ఎలా చెప్పగూడదే అలాగే నిజాన్ని నిక్కచ్చిగా చెప్పడానికి కూడా ఎలాంటి బెరుకు ఉండకూడదన్నారు.