నల్లగొండ జిల్లాలోనూ సత్యం రామలింగ రాజు భూములు

నల్గొండ: సత్యం కంపెనీనుండి కోట్ల నిధులను తమ సొంత కంపెనీలయిన మైటాస్ లకు తరలించిన సత్యం రామలింగరాజు అక్రమాలు ఒక్కోటి బయటకు వస్తున్నాయి. తాజాగా నల్గొండ జిల్లాలో సత్యం రామలింగరాజు భారీగా భూములను అక్రమంగా కొనుగోలు చేసినట్లు ఎన్ఫోర్స్ మెంట్ తెలిపింది. సత్యం నిధులు మళ్లించి రామలింగ రాజు పెద్ద యెత్తున రంగారెడ్డి జిల్లాలో భూములు కొనుగోలు చేసినట్లు ఆరోపణలు వచ్చిన విషయం తెలిసిందే. నల్లగొండ జిల్లాలోనూ రామలింగ రాజు భూములు కొనుగోలు చేసినట్లు తాజాగా బయటపడింది.

నల్గొండ జిల్లాలోని మర్రిగూడ పరిసర ప్రాంతాలలోని భూమిని రాజయ్య అనే అతను 4 నుండి 5 వేల రూపాయలకు ఎకరాన్ని కొనుగోలు చేసి సత్యం రామలింగరాజుసు డెబ్బయివేల రూపాయలకుపైగా కొన్ని వందల ఎకరాలు అమ్మకున్నారని స్థానిక రైతులు ఆరోపిస్తున్నారు. ఎన్ఫోర్స్ మెంటు సేకరించిన వివరాల ప్రకారం ప్రభుత్వం రామలింగరాజు భూములను ప్రభుత్వం స్వాధీనం చేసుకుంటున్నదని తెలిసిందని, ప్రభుత్వం స్వాదీనం చేసుకొని తమకు ఇవ్వాల్సిందిగా రైతులు కోరుతున్నారు.