అందుబాటులో లేని లోకేష్: స్టూడియోఎన్ ఫైళ్లు స్వాధీనం

హైదరాబాద్‌: తెలుగుదేశం పార్టీ అధ్యక్షుడు నారా చంద్రబాబు నాయుడు తనయుడు లోకేష్ సిఇవో గా ఉన్న స్టూడియోఎన్ లోని ఫైళ్లను సోమవారం కార్మిక కమిషనర్ కార్యాలయం అధికారులు స్వాధీనం చేసుకున్నారు. ఈ సమయంలో లోకేష్ అందుబాటులో లేరు. స్టూడియోఎన్ లోని 70 మంది సిబ్బందికి ఉద్వాసన పలికిన వ్యవహారంపై లోకేష్ కు లేబర్ కమిషనర్ ఇది వరకే నోటీసులు జారీ చేశారు. తాజాగా, స్టూడియోఎన్ లోని ఫైళ్లను స్వాధీనం చేసుకున్నారు.

ఇటీవల స్టూడియోఎన్ లోని 70 మంది ఉద్యోగులను లోకేష్ తొలగించారు. దీనిపై జర్నలిస్టులు ఆందోళనకు దిగారు. లేబర్ కమిషనర్ కు ఫిర్యాదు చేశారు. ఉద్యోగలకు సాక్షి టీవీ చానెల్, రాజ్ న్యూస్ చానెల్ కూడా అండగా నిలిచాయి. ఉద్వాసనకు గురైన ఉద్యోగుల్లో ఎక్కువ మంది తెలంగాణకు చెందినవారు కావడంతో చంద్రబాబు కూడా తీవ్రమైన విమర్శలను ఎదుర్కుంటున్నారు.