న్యాయశాఖ మంత్రి ఇంటిని ముట్టడించిన సీమాంధ్ర లాయర్లు

గుంటూరు: గుంటూరు - విజయవాడల మధ్య హైకోర్టు బెంచ్ ఏర్పాటు చేయాలంటూ గుంటూరులో లాయర్లు గురువారం న్యాయశాఖామంత్రి ఇంటిని ముట్టడించారు. మంత్రి వెంటనే బెంచ్ కి అనుకూలంగా స్పందించాలని వారు డిమాండ్ చేశారు. లేకుంటే ఉద్యమాన్ని తీవ్రతరం చేస్తామని హెచ్చరించారు. కాగా వారు మంత్రి ఇంటిను ముట్టడించిన సమయంలో మంత్రి ఇంటిలో లేరు. హైదరాబాదులో ఉన్నట్టు సమాచారం.

గత కొన్ని రోజులుగా ప్రత్యేక బెంచ్ కోసం లాయర్లు ఉద్యమిస్తున్న విషయం తెలిసిందే. కొందరు లాయర్లు నిరాహార దీక్షకు సైతం పూనుకున్నారు. అయితే నిరాహార దీక్షకు బదులు ప్రభుత్వంపైనే ఒత్తిడి తేవాలని నిర్ణయించుకొని బుధవారం నిరాహార దీక్షను విరమించారు. బుధవారమే గుంటూరులో బంద్ కు పిలుపునిచ్చారు. వ్యాపారులు, కళాశాలలు స్వచ్ఛంద బంద్ నిర్వహించాయి.