• search
  • Live TV
విజయవాడ వార్తల కోసం
నోటిఫికేషన్స్ పై క్లిక్ చేయండి  

వ్యవసాయ శాఖమంత్రి రఘువీరారెడ్డికి షాక్ ఇచ్చిన రైతులు

By Srinivas
|
Raghuveera Reddy
విజయవాడ: కృష్ణా జిల్లాలోని వరద ముంపు ప్రాంతాల్లో పర్యటిస్తున్న వ్యవసాయ శాఖ మంత్రి రఘువీరారెడ్డికి స్థానిక రైతుల నుండి తీవ్ర నిరసన వ్యక్తమయింది. ముందుగా చర్యలు తీసుకోని ప్రభుత్వం ఇప్పుడు వచ్చి పర్యవేక్షిస్తే ఏం లాభమని మంత్రిని రైతులు ప్రశ్నించారు. తమ పంట ఎలాగూ నీటిలో మునిగిపోయింది. దీంతో తాము తీవ్రంగా నష్టపోయామని, అయితే తమ ఆరోగ్యం కోసం (మురికి కాలువలను) డ్రెయినేజీలను అయినా బాగు చేయించాలని మంత్రిని వారు కోరారు.

అనంతరం మంత్రి రఘువీరా విలేకరులతో మాట్లాడారు. రైతులను పంటనష్టం గురించి అడిగి తెలుగుసున్నానన్నారు. కేవలం ఒక్క కృష్ణా జిల్లాలోనే 50 వేల హెక్టారుల పంటనష్టం జరిగిందన్నారు. రాష్ట్రవ్యాప్తంగా 20 లక్షల హెక్టార్ల పంట నష్టం ఉందన్నారు. ముఖ్యమంత్రి రోశయ్యతో మాట్లాడి పంట నష్ట నివారణ చర్యలు తీసుకుంటామని చెప్పారు. ప్రభుత్వం తప్పకుండా రైతులను ఆదుకుంటుందని చెప్పారు. కౌలు రైతులకు రుణాలు ఇచ్చే దిశలో ప్రభుత్వం యోచిస్తుందని చెప్పారు. పంట నష్టం, వరద ముంపు గురించి కేంద్రంతో చర్చించి నిధులు తీసుకుంటామని చెప్పారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X