భారత్ అభివృద్ధి చెందిన దేశం: అమెరికా అధ్యక్షుడు బరాక్ ఒబామా

ముంబయి: భారత దేశాన్ని అందరూ అభివృద్ధి చెందుతున్న దేశమంటున్నారు. కానీ భారత దేశం అభివృద్ధి చెందిన దేశమని తాను అంటున్నానని అమెరికా అధ్యక్షుడు బరాక్ ఒబామా అన్నారు. ఒబామా ముంబయిలోని సెయింట్ గ్జావియర్ కళాశాలలో విద్యార్థులతో మాట్లాడారు. పాకిస్తాన్ తో భారత దేశానికి స్థిరత్వం వస్తేనే ఇరుదేశాల అభివృద్ధి మరింత సాధ్యమని ఆయన అభిప్రాయపడ్డారు.

భారత దేశంతో పరస్పర వ్యాపార సహకారం అమెరికాకు అత్యవసరమన్నారు. ప్రచంచంలోని హిందూ, క్రిస్టియన్, సిక్కు, బౌద్ద మతాలతోపాటు ముస్లిం మతం కూడా గొప్పదని బరాక్ ఒబామా అన్నారు.అయితే ముస్లిం మతం గొప్పదయినప్పటికీ జిహాద్ సరైనది కాదని ఆయన అభిప్రాయపడ్డారు. కొందరు దుర్మార్గులు జిహాద్ పేరుతో హింసకు పాల్పడుతున్నారని విమర్శించారు. వారిని అమెరికా ఎప్పటికీ సమర్థించదన్నారు. మిచెల్ సైతం విద్యార్థులను ఉద్ధేశించి మాట్లాడారు. తనకు భారత్ పర్యటన ఎంతో ఉత్సాహాన్ని ఇస్తుందన్నారు.