నెల్లూరుకు 400 కిలోమీటర్ల దురంలో జల్ తుఫాను

విశాఖపట్టణం: అందరినీ ఆందోళనకు గురి చేస్తున్న పెను తుఫాను జల్ చెన్నైకి 300 కిలోమీటర్ల దురంలో, నెల్లూరుకు 400 కిలోమీటర్ల దూరంలో కేంద్రీకృతమయి ఉందని తుఫాను హెచ్చరికల కేంద్రం చెబుతోంది. తీరం దాటేటప్పుడు తుఫాను బలహీనపడే అవకాశముందని చెప్పారు. తుఫాను తీరం దాటే సమయంలో 120 నుండి 130 కిలోమీటర్ల వేగంతో గాలులు వీచే అవకాశముందని వారు ప్రకటించారు. తీరం దాటేటప్పుడు తుఫాను బలహీనపడి 25 సెంటీమీటర్ల వర్షం కురిసే అవకాశముంది.

కాగా ప్రకాశం, చీరాలలో, వాడరేవు, కృష్ణపట్నం ఓడ రేవుల్లో 10 వ నెంబరు ప్రమాదపు హెచ్చరికను జారీ వాతావరణ శాఖ జారీ చేసింది. మచిలీపట్టణం, నిజాంపట్టణంలో 9వ ప్రమాద హెచ్చరికను, మిగతా ఓడరేవుల్లో మూడో ప్రమాదపు హెచ్చరికను జారీ చేశారు. కాగా భారీగా తుఫాను కురిసిన కృష్ణా ప్రాంతాన్ని సమీక్షించేందుకు 75 అధికారుల బృందం వెళ్లింది. నెల్లూరు జిల్లాల్లో 113 గ్రామాలను, ప్రకాశం జిల్లాల్లో 75 గ్రామాలను ఖాళీ చేయించడానికి ప్రభుత్వం సమాయత్తమయింది. తుఫాను ప్రభావ ప్రాంతాల్లో అధికారులకు సెలవులను రద్దు చేసింది. విశాఖపట్టణంలో సముద్రం 5మీటర్ల మేర ముందుకు వచ్చింది. తూర్పు గోదావరి జిల్లా ఉప్పాడలో సముద్రం పోటెత్తుతుంది.