కొత్త సిఎం ఎంపికపై తొందర అవసరం లేదు: వీరప్ప మొయిలీ

హైదరాబాద్: కొణిజేటి రోశయ్యపై రాజీనామా చేయవలసిందిగా అధిష్టానం నుండిగానీ, మరెవరినుండి ఒత్తిళ్లు లేవని రాష్ట్ర వ్యవహారల ఇంఛార్జ్ వీరప్ప మొయిలీ ఢిల్లీలో విలేకరులతో అన్నారు. రోశయ్య తన వ్యక్తిగత కారణాలవల్లనే రాజీనామా చేశారని చెప్పారు. ఆయన తన వయోభారం కారణంగా శాఖలను సమన్వయం చేయలేక పోతున్నానని ఆవేదన చెందే రాజీనామా చేశారని అన్నారు. కొత్త ముఖ్యమంత్రిపై ఇప్పుడే అంత తొందర అవసరం లేదని ఆయన చెప్పారు.

కాగా, దాదాపుగా ఎస్ జైపాల్ రెడ్డి పేరు ముఖ్యమంత్రి పదవికి ఖరారైనట్లు తెలుస్తోంది. ఈ నేపథ్యంలో జైపాల్ రెడ్డిని తమతో పాటు హైదరాబాదుకు తీసుకురావాలని కేంద్ర మంత్రి ప్రణబ్ ముఖర్జీ అనుకున్నారు. జైపాల్ రెడ్డి ప్రణబ్ ముఖర్జీ ఇంటికి చేరుకున్నారు. వారిద్దరి మధ్య మంతనాలు జరిగాయి.