తెలంగాణకు వ్యతిరేకంగా విశాఖలో నల్ల రిబ్బన్ తో ఐకాస వినూత్న నిరసన

విశాఖపట్నం: తెలంగాణకు అనుకూలంగా గత డిసెంబరు 9వ తేదిన చిదంబరం చేసిన ప్రకటనకు ఏడాది పూర్తయిన సందర్భంగా సీమాంధ్ర ఐక్య కార్యాచరణ సమితి(జెఏసి) గురువారం బ్లాక్ డే నిర్వహించింది. సీమాంధ్రలోని అన్ని జిల్లాల్లో చిదంబరం ప్రకటనకు వ్యతిరేకంగా ర్యాలీలు, ధర్నాలు నిర్వహించారు. జై సమైక్యాంధ్ర అంటూ నినాదాలు చేశారు. విశ్వవిద్యాలయాల్లో సైతం విద్యార్థులు సమైక్యాంద్రకు మద్దతుగా నిరసనలు చేపట్టారు.

ఆంధ్రా విశ్వవిద్యాలయ ఐకాస విద్యార్థులు వినూత్న రీతిలో నిరసన చెపట్టారు. 100 మీటర్ల నల్ల రిబ్బన్ ను ప్రదర్శించారు. 2009 డిసెంబర్ 9న చిదంబరం తెలంగాణకు అనుకూలంగా నిర్ణయం ప్రకటించి రాష్ట్రంలో చిచ్చు పెట్టారన్నారు. రాష్ట్రం సమైక్యంగా ఉంటేనే అన్ని విధాలుగా అభివృద్ధి చెందుతుందన్నారు. రాష్ట్రాన్ని రెండు ముక్కలు చేస్తామంటే సీమాంధ్ర ప్రజలు ఊరుకోరన్నారు.