వైద్యాన్ని నిరాకరిస్తున్న తెలుగుదేశం అధినేత చంద్రబాబు

హైదరాబాద్‌: తెలుగుదేశం పార్టీ అధ్యక్షుడు నారా చందర్బాబు నాయుడు వైద్యాన్ని నిరాకరిస్తున్నారు. చంద్రబాబును పోలీసులు అరెస్టు చేసి సోమవారం తెల్లవారు జామున హైదరాబాదులోని నిజాం వైద్య విజ్ఞాన సంస్థ (నిమ్స్)లో చేర్చారు. చికిత్స చేయడానికి వైద్యులు వచ్చినప్పటికీ ఆయన అందుకు సిద్ధపడడం లేదు. నిమ్స్ల్ లో తన దీక్షను కొనసాగిస్తున్నారు. చంద్రబాబు చికిత్సను నిరాకరిస్తున్నట్లు ప్రభుత్వ ఆరోగ్య కార్యదర్శి పివి రమేష్ చెప్పారు. చంద్రబాబు ఆరోగ్య పరిస్థితికి చెందిన వివరాలను గంట తర్వాత వెల్లడిస్తామని ఆయన చెప్పారు.

నిమ్స్ లో చంద్రబాబును పరామర్శించడానికి పలువురు నాయకులు వచ్చారు. పరిస్థితిని సమీక్షించి, భవిష్యత్తు కార్యాచరణను రూపొందించదడానికి తెలుగుదేశం పొలిట్ బ్యూరో సమావేశమైంది. సాయంత్రం గవర్నర్ ను కలవాలని తెలుగుదేశం నాయకులు నిర్ణయించారు. చంద్రబాబు అరెస్టుకు నిరసనగా రాష్ట్రవ్యాప్తంగా ఆందోళనలు సాగుతున్నాయి.