రైతులకు న్యాయం జరిగే వరకు మెతుకు ముట్టను: చంద్రబాబు

హైదరాబాద్: రైతు సమస్యలను వెంటనే పరిష్కరించాలంటూ రాజధానిలోని నిమ్స్ లో నిరవధిక నిరాహార దీక్ష చేస్తున్న తెలుగుదేశం పార్టీ నాయకుడు, మాజీ ముఖ్యమంత్రి రాష్ట్ర రైతులకు బహిరంగ లేఖ రాశారు. రైతుల సమస్యలను ప్రభుత్వం పట్టించుకోదని ఆయన తన లేఖలో ధ్వజమెత్తారు. రైతుల కన్నీరు తుడిచేందుకు దేనికైనా సిద్ధమన్నారు. తాను శాంతియుతంగా దీక్ష చేస్తుంటే ఆ దీక్షను భగ్నం చేయాలని ప్రభుత్వం చూస్తుందన్నారు.

రైతులకు న్యాయం జరిగే వరకు మెతుకు ముట్టేది లేదని ఆయన తన లేఖలో పేర్కొన్నారు. రైతుల కోసం జైలుకు వెళ్లడానికి కూడా సిద్ధంగా ఉన్నానన్నారు.లాఠీలతో ఉద్యమాన్ని అణచలేరన్నారు. నా ఆరోగ్యంపై దిగులు పడాల్సిన అవసరం లేదన్నారు. కాగా చంద్రబాబునాయుడిని ఆరోగ్య శాఖమంత్రి డిఎల్ రవీంద్రారెడ్డి పరామర్శించారు. దీక్ష విరమించాలని విజ్ఞప్తి చేశారు.