చంద్రబాబు అరెస్టుపై అట్టుడుకుతున్న రాష్ట్రం: రేపటి నుంచి ఉధృతం

హైదరాబాద్: నిరవధిక నిరాహార దీక్ష చేపట్టిన తెలుగుదేశం పార్టీ అధ్యక్షులు, మాజీ ముఖ్యమంత్రి చంద్రబాబునాయుడి అరెస్టుకు నిరసనగా రాష్ట్రం అట్టుడుకుతోంది. బాబు అరెస్టును నిరసిస్తూ జిల్లాల్లోని తెదేపా శ్రేణులు సోమవారం బంద్ కు పిలుపునిచ్చారు. ఎక్కడికక్కడే బస్సులు, రైళ్లను ఆపివేశారు. తెలుగుదేశం పార్టీ కార్యకర్తలు దుకాణాలు మూయిస్తున్నారు. పలుచోట్ల బస్సుల అద్దాలు ధ్వంసం చేశారు. దీంతో రాష్ట్రవ్యాప్తంగా తీవ్ర ఉద్రిక్త పరిస్థితి నెలకొంది. రేపటి నుంచి తమ ఆందోళనను మరింత ఉధృతం చేయాలని తెలుగుదేశం పార్టీ నిర్ణయించింది.

అనంతపురంలో శాసనసభ్యురాలు పరిటాల సునీత, విజయవాడలో దేవినేని ఉమ జిల్లాల్లోని పలుచోల్లో శాసనసభ్యులు, కార్యకర్తలు బందులో పాల్గొన్నారు. అనంతపురం, ఉభయ గోదావరి, విజయవాడ, గుంటూరు తదితర జిల్లాల్లో ప్రజలు స్వచ్ఛందంగా బందును పాటిస్తున్నారు. తెలంగాణలోని వరంగల్, కరీంనగర్, ఖమ్మం జిల్లాల్లో కూడా భారీగా కార్యకర్తలు బందు నిర్వహిస్తున్నారు. ఒక్క నిజామాబాద్ జిల్లాలో బందు పాక్షికంగా ఉంది.