చంద్రబాబు అరెస్టుకు నిరసనగా తెలుగుదేశం రాష్ట్ర బంద్

హైదరాబాద్‌: రైతు సమస్యలపై నిరవధిక నిరాహార దీక్ష చేస్తున్న తమ పార్టీ అధినేత చంద్రబాబు దీక్ష భగ్నానికి నిరసనగా నేడు సోమవారం శాంతియుత రాష్ట్ర బంద్‌కు తెదేపా పిలుపునిచ్చింది. సోమవారం తెల్లవారు జామున పోలీసులు బలవంతంగా చంద్రబాబు దీక్షను భగ్నం చేసి నిమ్స్‌కు తరలించారు. చికిత్సకు నిరాకరిస్తున్న చంద్రబాబు నిమ్స్‌లోనే తమ దీక్షను కొనసాగిస్తున్నారు. చంద్రబాబు కుమారుడు లోకేష్, తెలుగుదేశం శాసనసభ్యులపై పోలీసులు నాన్ బెయిలబుల్ కేసులు పెట్టారు.

చంద్రబాబు అరెస్టుకు నిరసనగా రాష్ట్రవ్యాప్తంగా తెలుగుదేశం కార్యకర్తలు ఆందోళనలకు దిగారు. కడప జిల్లాలో పలు చోట్ల రాస్తారోకోలు జరుగుతున్నాయి. రాజమండ్రిలో ఆందోళనకారులు బస్సును ధ్వంసం చేశారు. గుంటూరులో కూడా ఆందోళనకారులు బస్సును ధ్వంసం చేశారు. కుప్పంలో కూడా తెలుగు తమ్ముళ్లు బస్సును ధ్వంసం చేశారు. చంద్రబాబుపై 309 సెక్షన్ కింద పోలీసులు కేసు నమోదు చేశారు.